Minimaliseer klein sake uigawes

4:12 pm rekenaars

Kom Jasper deel met julle so klein goudmyntjie van ondervinding. Al ooit gewonder wat dra geweldig by die rede dat meeste klein ondernemings maklik kan geld maak maar dit nie in die bank kan hou nie…..

Goot korporatiewe het dit maklik (die lang vingers van die korporatief strek ver en hy het die kapitaal om sy sisteme in plek te hou…. - Moenie dink nie. Selfs groot ondernemings in Europa begin nou op hierdie “bandwagon” spring, so help jouself.) So dit los ons om te kyk waar kan mens onnodige uitgawes sny. Dis nou al daardie klein jakkalsies wat jou bank rekening plunder maar ook die dieselfde jakkalsies wat so broodnodig is vir enige klein onderneming om so vlot moontlik te verloop. En natuurlik moet dit binne die reg kan geskied…

Vandag kan julle saam met Jasper kyk na IT toerusting (Die basiese rekenaar en sagteware om ‘n klein onderneming te bedryf vir jou en my)

Hoeveel spandeer jy aan jou rekenaar, windows sagteware, kantoor sagteware (Dit is nou iets soos Microsoft word en Excel ens.) en dan ook die groot (aaneenlopende uitgawe vir enige klein besigheid - en wat hom menigmale kelder) natuurlik die “accounting” program.

Instede daarvan dat jy nou al die hope geld moet loop spandeer, kom ons kyk na die opsies wat “open source” ons bied.

As jy nog nie ‘n rekenaar het nie, kom ons begin hier: As jy reeds ‘n rekenaar met Windows het, moenie bekommer nie want al die programme (uitsluitende Ubuntu) kan jy aflaai vir windows ook….)

ubuntu1.        Koop jou rekenaar (En vra die mense by wie jy hom koop om “Ubuntu” te laai as “operating system” - Mark Shuttleworth se speelding en gratis vir jou en my) Die foto hier links is ‘n skermskoot van hoe dit lyk en soos jy kan sien is daar nie veel verskil uit ‘n kosmetiese oogpunt tussen hom en “windows” nie so dit is nie nodig om te bekommer nie. As jy Windows kan werk sal jy regkom met Ubuntu. As die verskaffer vir jou ‘n windows sisteem probeer smous vertel hom liewers waar hy dit kan druk en gaan na ‘n ander plek om te koop.

2.       Ubuntu kom met firefox (web browser soos internet explorer) en sy eie e-pos program soortgelyk aan “Microsoft Outlook express” maar met meer funksionaliteit wat nader grens aan “Microsoft Outlook” (Dis nou insluitende dinge soos ‘n kalender, kontak databasis, “to-do” lys en dies meer en as jy nie van die ingeboude e-pos program hou nie kan jy altyd “thunderbird” gebruik wat op eie reg net soos ‘n volwaardige “Microsoft Outlook” werk - Dit is nou as jy al die “plug-ins” ook installeer. (Meer daaroor op ‘n ander keer - dalk)

3.      Reg so, nou het jy ‘n rekenaar en jy is op die web en jy het e-pos en so…. Wat nou gemaak met briewe tik en dies meer… Geen probleem, Daar is altyd “open Office“. Dit skop gat. Punt. Met Open Office het jy alles wat “Microsoft Office” jou bied en natuurlik ‘n bietjie meer. Selfs die hele Oxford en UK Open Universiteite hardloop op open office. Vra maar vir Jasper. Hy het sy meesters by Brookes onder die knie gekry met die. Untitled-1

Verskoon die volgende engels maar….

Daar is ‘n Word processor soos “Microsft word” ‘n spreadsheet soos “Microsoft Excel”, ‘n Presentation program soos “Microsoft Powerpoint” en ‘n rits ander eksklusiewe programme wat dit vir ‘n mens maklik maak. En as jou kind Wiskunde op skool het, is daar natuurlik “calculus” wat die beste sakrekenaar se gat skop. Maak nie saak hoe in diepte die Algebraiise algoritmes gaan nie. Selfs Trigonemetrie het sy baas hier gekry. Dit is korrek, jy het reg gehoor. Al hierdie is gratis programmatuur wat jy kan aflaai van die net af…

4.     Dit bring ons by die konstante geld wurg nommertjie vir enige klein besigheid. Natuurlik die gehate lisensie geld vir Pastel en al sy boekhou sagteware maatjies soos Sage en dies meer. Dis nou nadat jy ‘n hoop geld  spandeer het om die ding in die eerste plek te koop. Bo en behalwe die pilfererende uitgawes moet jy dan nog geld loop spandeer vir “support” en “training” en al die klas van dinge. Hoe vinnig loop jou hardverdiende geldjies nou uit die rekening uit….

turbocashVergeet van die programme wat jou geld kos. Skop die salesman by die deur uit en hou jou beursie toe. Laai vir jou “turbocash” af op die net (Dit is open-source en verniet) en support kan jy kry met die menige “tutorials” op hulle webtuiste en as dit nie vir jou werk nie, gaan kyk op “youtube” vir die menigte “tutorials” daar. O ja en voor ek vergeet, Turbocash kom in Afrikaans ook….

Nou ja, met die bogenoemde het jy al die gereedskap om jou besigheid te laat floreer en die klein jakkalsies in die bus te hou. Volgende keer as Jasper tyd het kan ons kyk hoe om jou besigheid op die internet te kry (Verniet, mahala en gratis - Met ‘n Google “pagerank” wat skrik vir niks)

groete

12 Responses
  1. Reisiger :

    Date: August 29, 2008 @ 4:45 am

    Jasper, jy’s reg hoor! Hierdie klein jakkalsies kan groot gate in ‘n mens se sak vreet! Dankie dat jy jou kennis met ons deel!! Dis baie nice van jou.

    ‘n Baie oulike website wat ek ook kan aanbeveel waar ek voortdurend nuwe goed ontdek is by http://www.hongkiat.com.

  2. Zee :

    Date: August 29, 2008 @ 9:22 am

    Plaas laat ek die informasie geweet toe ek my laptop nou die dag gekoop het. Jasper, dankie vir al die informasie!

  3. Johan de Vries :

    Date: August 30, 2008 @ 1:05 pm

    Nou praat jy ! Ubuntu is koning. Ek gebruik dit al n hele ruk, an kan dit nie fout nie. Kom met alles gelaai wat jy sal nodig he, en meer.

    Ek weet jy praat meer van besigheid software, maar kyk na die ook:
    Media Centre: http://en.ubuntumediacenter.org/
    Studio (Audio/ Graphics / Video): http://ubuntustudio.org/

    Studio lyk vir my na n baie goeie idee, aangesien dit meeste van die AVG programmes saamtrek in een in.

    As jy Ubuntu gelaai het, kry vir jou die “restricted drivers” ook onder die “add and remove”. (As jy enige MS programme moet gebruik, laai WINE.

    Ek is n baie groot fan van Ubuntu, en jy kan nie verkeerd gaan met dit nie ! VIVA UBUNTU, VIVA OPEN SOURCE !

  4. Nikita :

    Date: August 31, 2008 @ 9:55 am

    Sjoe! Dis ‘n mondvol en ek wil weer terugkom hierheen en opvang met alles wat ek die week gemis het…ons was bietjie in die Lake Distrik…en nou moet ek spring om betyds te wees vir ‘n braai…sal vanaand weer verder lees!

  5. Zee :

    Date: August 31, 2008 @ 2:05 pm

    Nou waar is die video heen?

  6. Wipneus :

    Date: August 31, 2008 @ 6:33 pm

    Baie dankie Jasper!

  7. Rustig :

    Date: September 1, 2008 @ 10:54 am

    Vista is nou my finale windows OS. Ek het al so bietjie met Ubuntu gewerk en met se dat dit is baie heerlik. Ek moet net “emulator” kry om my Adobe Design sagteware te laat werk op Ubuntu. Enige kennis Jasper?

  8. Jasper :

    Date: September 1, 2008 @ 11:41 am

    Rustig, Jy kan hier loer…

    http://ubuntuforums.org/archive/index.php/t-447287.html

    Daar is ‘n paar opsies. Ek dink meeste mesne wat ‘n klain besigheid begin raak nie regtig “involved” met grafiese ontwerp en dies meer nie, so die artikel was nie regtig op hulle gemik nie.

    Maaaaaarrr…..

    In terme van die pos hierbo, om grafiese ontwerp op Ubuntu te kan doen, is daar natuurlik die opsie van

    “The Gimp”

    Ook Open Source en heeltemaal gratis en ek moet nog op iets van Photoshop afkom wat nie gedoen kan word met “the Gimp” nie.

    Laai dit hier af:

    http://www.gimp.org/

  9. Roer :

    Date: September 1, 2008 @ 11:52 am

    Dankie vir baie goeie raad. ‘n Mens kan dit sommer in jou persoonlike begroting ook toepas. Wis klein jakkalsies uit (bv. klererekeninge of die weeklikse besoek na McDonalds) en spaar eerder. Dis is ander goedkoper maniere om pret te hê saam met jou kinders en klererekeninge is ek oortuig daarvan, is van die bose.

  10. Johan de Vries :

    Date: September 1, 2008 @ 10:04 pm

    Rustig, as jy regting nodig het om Windoos program te gebruik, kan jy die WINE Emulator laai in Ubuntu. Dit gee jou die vryheid om m Windoos program te laat werk in Ubuntu.

    Kyk hier na dit - http://www.winehq.org - ek het dit gelaai op my Ubuntu masjien, maar nog nie nodig gehaat om n Windoos program te gebruik nie (my main masjien is n Mac) aangesien die Ubuntu masjien meer vir speel is (em om myself vertroud te maak met Ubuntu)

  11. Rustig :

    Date: September 2, 2008 @ 9:51 am

    Dankie aan die slim ooms! Ek het net Adobe Dreamweaver etc wat ek graag sal wil gebruik op Ubuntu. Sal gaan loer want Bill Gates se Vista het my nou al drie keer in ses maande laat sondig. Saturdag was die finaal. Die slag het ek alles verloor en kon niks red nie nie. Nie eers die “backup” wou werk nie. As dit nie vir die kursus is wat ek gaan doen nie, het ek al oorgeskakel na Ubuntu.

  12. TrentDGene :

    Date: July 18, 2016 @ 2:04 pm

    My brother suggested I might like this blog.
    He used to be entirely right. This submit truly made my
    day. You can not consider just how a lot time I had spent
    for this information! Thanks!

    My blog - TrentDGene

Leave a Comment

Your comment

You can use these tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Please note: Comment moderation is enabled and may delay your comment. There is no need to resubmit your comment.