E-pos aan die lente:

Die lewe tap stil uit my
vinniger as bloed
As is die woorde in die wind
voorheen kole en gloed

‘n pyl val uit die koker
van ‘n rondomtalie wens
Net dorings in gevlekte vlees
waar eens vleiswonde sou wees

soos towerbeelde stap die tyd
in die skemer by ons verby
Soos die groen loot van die lente
Deur die grys van die winter gly

aandblom,vaalbos,hoendervleis,stuifmeel

Verbeel jou….

My vingers kruip so suutjies
hier oor die vaalbos veld
waar twee vir eens verenig is
en die liefde hom vergeld

Die heuwels in die donker
lê soos skimme teen die kim
net die gras wat liggies bewe
verklik die lewe in
die nat gedoude kelkies
wat yl hang oor die spoor
en met die bries die stuifmeel
hier teen my lies verloor

Die hoendervleis ruk hand uit
en ek sien die aandblom wink
as jy diep snak na die asem
wat deur my siel weerklink

openbaring,vers

In opvolg op gister se inskrywing,
Jasper weereens oor openbaring….
Die keer in vers.

Openbaring in vers:

dawerend
deels
verdurend
dui
die daglig
die dood
verdag

Gespuis en
grou
gedaantes
gryp
gelowig vas

Eens is
elkeen
eenders
en alles
is in
as

Sistynse Kapel,Sixtine chapel,sistine chapel,openbaring,Die laaste tyd,die eindtyd,die wegraping

My trippie na die Vatikaan in 2005 het my die idee vir hierdie stukkie gegee. Dit is regtig ‘n ondervinding om in Die Sistynse Kapel te staan en hierdie werke te aanskou. So hier is Jasper se uittrekking oor Openbaring……

Openbaring


Eendag lank lank gelede
toe ‘n engel die hemel oop sluit
Staan Johannes en vier wesens
voor die poorte van die paradys

Die Lam het die apostel ingenooi
om Vir hom die einde te wys
Want die sewe geeste voor die Troon
Het besluit dit is die einde van tyd

Een honderd vier en veertig duisend
Siele word heen gestuur
Na die berg van Armageddon
Om die eindtyd in vrede te vier

Soos die swaard van vuur
deur die laataande dreun
Vir die pyn wat die dooies verduur.
Staan die dood met ‘n dolk
in sy yskoue hand
en kerf ‘n nuwe naam teen die muur

Want die gerubs stuur die vier ruiters
om die hel aan die sondaers te pand
en een kant skuil die donker prins
waar hy kyk hoe die wêreld verbrand

Maar die Engele bars uit in woede
deur die tuin van die môrester
en Michael wond die sewe kop dier
wat die brug na verlossing versper

Swael skroei die vlammende velde
Al die sterre ontplof een vir een
Die nasies verkrummel in wanhoop
en spat soos die gietende rëen

Uit die vreemde reis daar ‘n vrede
‘n engel het die seedier getem
en deur die sagte wit wolke
sak die nuwe stad Jerusalem

afrikaans,letterkunde,poësie,jasper se griffelgids,trane vir ‘n oumens

Trane vir ‘n oumens

Iewers
in die klowe
speel dagbreek
met ‘n vuur

Teen
kleurbelaaide druppels
Deur
‘n dun gordyn
van waterval
en reënboog
mis
wat dofweg skyn

skoonheid
van die kranse
nastergal
van die siel
diep blou poele
in jou oë
voed
die droë fontein

En ek lag

Want iewers
in die dieptes
waar die woud
geheime hou
speel
‘n ou serfyntjie
maak die hart
weer rustig stil

En ek huil

Trane
vir ‘n oumens
sleutels
van ‘n tyd
vergange
met gedagtes
vir ewig
weg gesluit

Die dunste
kronkel paadjie
Somber
in blaar verskans
spoorsny
vir die antwoord

om te kan drink
uit jou fontein